केही न केही नयाँ प्रयोग गर्न रुचाउँछन् ।

२५ गते १७:५८ मा प्रकाशित निर्देशक दिपेन्द्र के खनाल चलचित्रमा केही न केही नयाँ प्रयोग गर्न रुचाउँछन् । यसैले त उनले निर्देशन गरेका अधिकांश सिनेमा दर्शकका लागि प्रतिक्षाको रुपमा रहेका हुन्छन् । यही क्रममा उनले निर्माण गरेको चलचित्र ‘झोले’ फाल्गुन ९ गतेबाट प्रदर्शनमा आउने भएको छ आश्मा फिल्मस्को ब्यानरमा तयार भएको यो चलचित्रमा दयाहाङ राई र नायिका पि्रयंका कार्की मुख्य भूमिकामा छन् । काठमाण्डौमा आज एक कार्यक्रमको आयोजना गरी चलचित्रको नयाँ प्रोमो र पोष्टर सार्वजनिक गरिएको छ । कार्यक्रममा चलचित्र निर्माता संघका अध्यक्ष राजकुमार राई, चलचित्र निर्देशक समाजका अध्यक्ष दिनेश डीसी, चलचित्र प्राविधिक संघका अध्यक्ष मनोज केसी, गायक राजेशपायल राइले सिनेमाको सफलताका लागि शुभकामना दिएका थिए । आस्मा फिल्मस्को ब्यानरमा तयार भएको यो चलचित्रमा हरी लम्साल र अनुपम शर्माको संगीत, शान बस्न्यातको लेखन, रेनशा राई र निलु डोल्मा शेर्पाको नृत्य निर्देशन छ । चलचित्रलाई टेकेन खड्काले निर्माण गरेका हुन् । चलचित्रलाई पुरुषोत्तम प्रधानले खिचेका हुन् भने दिर्घ खड्काले सम्पादन गरेका हुन् । चलचित्रको झोलेको नयाँ पोम्रो र पोष्टरमा केही नयाँपन देखाउन खोजिएको छ । कार्यक्रममा उपस्थित चलचित्र पत्रकार तथा अतिथीहरुले यो सिनेमाको पोष्टर र प्रोमोको प्रशंसा गरेका थिए ।