‘नोभेम्बर रेन’को छायांकन सके लगतै म्यूजिक भिडियोमा अभिनय गर्नमा व्यस्त हुन

यिका नम्रता श्रेष्ठ चलचित्र ‘नोभेम्बर रेन’को छायांकन सके लगतै म्यूजिक भिडियोमा अभिनय गर्नमा व्यस्त हुन थालेकी छिन् । हालै मात्र उनले समन अधिकारीको निर्देशनमा तयार भएको एक भिडियोमा अभिनय गरेकी हुन् । डल्लुको एक होटलमा छायांकन गरिएको ‘मैले झै मार्ने’ बोलको गीतमा नम्रताले अभिनय गरेकी हुन् । यो गीतमा उनको साथमा मोडल बिमलेश अधिकारीलाई पनि देख्न सकिनेछ । अञ्जु पन्त र ईश्वर पोख्रेलको आवाजमा समावेश यो गीतमा अर्जुन पोख्रेलले संगीत भरेका छन् । भिडियोमा हरी हुँमागाइको छायांकन छ । रेड फोर के क्यामेराले छायांकन गरिएको यो भिडियोलाई छिट्टै बजारमा ल्याउने तयारी निर्माणपक्षले गरेको छ । गीतले प्रेमको भावलाई बोक्ने निर्देशक अधिकारीले जानकारी दिएका छन् । यसैबिच निर्देशक समन अधिकारी ५ वटा म्यूजिक भिडियोको छायांकनका लागि वुधबार पूर्वका विभिन्न जिल्लामा पुग्ने भएका छन् । उनले नेपालका चर्चित कलाकारहरुको साथमा ५ वटा गीतको भिडियो पूर्वका रमणिय स्थानमा छायांकन गर्ने जानकारी दिएका छन् ।