लाग्यो बाडुलीको छायांकन सुरु

लिम्बु जातिका लोपन्मुख संस्कृतिहरुमा आधारित लिम्बु कथानक चलचित्र ‘हेल्लुक्वा’ (लाग्यो वाडुली ) को छायांकन प्रारम्भ भएको छ । किशोर सुब्बाको कथा तथा निर्देशनमा तयार हुन लागेको यो सिनेमालाई नामेन्द्र सिंह आङ्बुहाङले निर्माण गर्न लागेक हुन् । चलचित्रमा पदम हुक्पा चोङ्वाङ, कुमारी खवास र इन्द्र तुम्बापोको पनि लगानी रहनेछ । चलचित्रको छायांकन माङसेबुङ लगायत इलामका विभिन्न क्षेत्रहरु, झापा, पाँचथरका लव्रेकुटी सिलौटी चोकमागु र काठमाडौका बिभिन्न स्थानहरुमा गरिने भएको छ ।

किशोर सुब्बा र सागर केरुङको पटकथा तथा संवाद, ब्रविन शेर्माको संगीत, किराँत धर्मगुरु आत्मानन्द लिङ्देनको शब्द साथै राजेश लेप्चा र उन्छोन चेम्जोङको द्वन्द्व रहेको चलचित्रको पुष १५ सम्ममा छायांकन सम्पन्न गरिने जनाइएको छ ।

करिब ५० लाखको लगानीमा निर्माण हुन लागेकोे चलचित्रमा पुष्पा आङदेम्बे, मधुराज केरुङ, सानुबावा सुब्बा, प्रेम पन्दाक, नामेन्द्र आङबुहाङ, सागर केरुङ, राज कुमार लिङदेन लगायत कलाकारको मुख्य अभिनय रहनेछ ।

-