जीवन लुइटेललाई पुत्र लाभ

नेपाली सिनेमाका चर्चित नायक जीवन लुइटेल पिता बनेका छन् । शनिबार राती ११ बजेर १० मिनेटको समयमा उनलाई पुत्र लाभ भएको हो । उनकी जीवनसाथी अञ्जलीले छोरालाई शनिबार राती जन्म दिएकी हुन् । अञ्जलीले काठमाण्डौको बसुन्धरा स्थित इशानी बाल हस्पिटलमा छोरालाई जन्म दिएकी हुन् ।डाक्टरले दिएको समय भन्दा १ महिना अघि नै जन्म भएकाले पनि बच्चा केही सानो रहेको जानकारी जीवनले दिएका छन् । आमालाई हाई ब्लड प्रेसर भएकाले पनि केही समय चाडो बच्चा जन्मिएको नायक लुइटेलले बताए ।

बिहे गरेको ६ बर्ष पछि जीवन पिता बनेका हुन् । पिता बन्दा आफू निक्कै खुशी भएको बताउँदै जीवनले अब जिम्मेबारी थपिएको प्रतिक्रिया दिएका छन् । ‘शनिबार र आइतबारमै मेरो जीवन फेरिएको छ’, उनले अनलाइनखबरसँग खुशी साट्दै भने । नायक जीवन लुइटेल र उनको परिवारलाई हाम्रो तर्फबाट पनि बधाई ।