सुन्दरी बन्न तम्सिए नर्सहरु

२०७० पुष ७ गते १४:३२ मा प्रकाशित

‘नेक्स्ट मोडल नेपाल’को आयोजना र स्वास्थ्य खबरपत्रिकाको सहकार्यमा हुन लागेको ‘मिस नर्स नेपाल २०७०’ को अडिसन आज काठमाण्डौंमा सम्पन्न भएको छ । माघ ११ गते काठमाण्डौंमा हुने अन्तिम प्रतिस्पर्धाका लागि पहलो चरणमा काठमाण्डौमा अडिसन शुरु गरिएको हो । अडिसनको पहिलो चरणमा काठमाण्डौमा आज ३५ जना सुन्दरी नर्सहरुले भाग लिएको आयोजक नेष्ट मोडल नेपालका प्रमुख रवि धमलाले बताए । देशभरबाट छनौट भएका ३० जना नर्सहरु बिच अन्तिम प्रतिस्पर्धा हुनेछ । नर्सहरुलाई पेशाप्रति थप जिम्मेवार, समाजप्रति उत्तरदायी र उत्प्रेरित बनाउन मिस नर्स नेपालको आयोजना गर्न लागिएको स्वास्थ्य खबरपत्रिकाका बजार निर्देशक बुद्धि कटेलले बताए । प्रतियोगितामा देशभरका ८० भन्दा बढी नर्सिङ कलेजका विद्यार्थी तथा १ सयभन्दा बढी अस्पतालमा कार्यरत नर्स सहभागी हुने अपेक्षा आयोजकको छ ।

देशका प्रमुख शहरमा गरिने अडिसनबाट छनौट भएका ३० उत्कृष्ट प्रतियोगिबीच अन्तिम प्रतिष्पर्धा गराएर मुख्य उपाधी सहित १२ विभिन्न विधामा पुरस्कृत गरिनेछ । प्रतियोगितामा टाईटल उपाधी सहित, मिस ब्यूटिफुल, बेस्ट स्माईल, मोष्ट डिसिप्लेन, बेष्ट हेयर, बेस्ट स्कीन, बेष्ट पर्सनालिटी, मोष्ट चार्मिङ, मिस फोटोजेनिक, मोष्ट ट्यालेन्ट, बेष्ट ड््रेस, मिस क्याटवाक र मोष्ट पपुलर विधामा पुरस्कार प्रदान गरिने छ । प्रतियोगिताको उपाधि विजेताले ५० हजार नगदसहित नेपाल र अष्ट्रेलियामा अध्ययन छात्रवृत्ति पाउनेछिन् ।

- See more at: http://www.onlinekhabar.com/2013/12/147482/#sthash.36Rw2dNM.dpuf